بروهي، جان محمد: جان محمد ولد حاجي لال محمد بروهي 1937ع ۾ نوابشاهه ۾ ڄائو. هو اٺ درجا پڙهيل هو ۽ پيشي جي لحاظ کان زميندار ۽ سياستدان هو. هن سياسي ڪيريئر جي شروعات 1962ع ۾ ڪئي ۽ بنيادي جمهوريت جو ڪائونسلر چونڊيو. 1970ع ۾ پيپلز پارٽي ۾ شامل ٿيو ۽ ايم پي اي چونڊيو. 1985ع جي غير جماعتي چونڊن ۾ ايم پي اي جي سيٽ تي بيٺو پر کٽي نه سگهيو. 1986ع ۾ غلام مصطفيٰ جتوئي جي نيشنل پيپلز پارٽي ۾ شامل ٿيو. 1988ع ۾ نيشنل پارٽي ڇڏي ٻيهر پ پ ۾ شامل ٿيو ۽ پ پ جي ٽڪيٽ تي ايم پي اي چونڊيو. 1993ع ۽ 1997ع ۾ ايم پي اي چونڊيو. جنرل مشرف جي لاڳو ڪيل گريجوئيشن واري شرط سبب چونڊن ۾ حصو وٺي نه سگهيو ۽ ڪجهه عرصو سياست کان پاسيرو ٿي ويو. ڪجهه عرصي بعد پنهنجي پٽ علي نواز بروهي (انجنيئر) کي سياست جي ميدان ۾ لاٿائين، جنهن 2002ع ۽ 2007ع ۾ مسلم ليگ ق جي ٽڪيٽ تي چونڊ لڙي پر ڪامياب نه ٿي سگهيو. سندس هڪ پٽ ۽ هڪ ڀاءُ ضلعي ڪائونسل جا ميمبر رهيا .
1937.00.00 عيسوي
جان محمد بروهي 1937ع ۾ نوابشاهه ۾ ڄائو.
1970.00.00 عيسوي
1970ع ۾ پيپلز پارٽي ۾ شامل ٿيو ۽ ايم پي اي چونڊيو.
1986.00.00 عيسوي
1986ع ۾ نيشنل پيپلز پارٽي ۾ شامل ٿيو.
1988.00.00 عيسوي
1988ع ۾ نيشنل پارٽي ڇڏي ٻيهر پ پ ۾ شامل ٿيو ۽ ايم پي اي چونڊيو.